الثلالي العسل

نبذة عن الثلالي العسل

صدفة محلاها جمعتني بالأصدقاء الثلاثة ،، تلاثة كلاب كل واحد من نوع لكن اصحاب برشااااا تحسهم أخوة ،، انا في الأصل شفت قطوسة سخفتني حاولت معاها بش تبعني للحانوت لكن ما حبتش وليت مشيت للحانوت و شريت صالامي و رجعتلها قلت بالك نلقاها تستنى فيها و للأسف ما لقيتهاش و لقيت في بلاصتها الثلالي العسل هاذم كلاو الصالامي بكل تربية و لعب و دحنيس راهم يهبلو خاصة الكانيش الاكحل و عينيه زرق كل مرة ياقف على زوز ساقين و يعنقني 😻 باينين متاع دار و طيشوهم ،، خليتهم و روحت قلبي دم عليهم و المشكلة اللي هوما كيف يتلمو التلاثة مبعضهم و يدورو الناس يخافو منهم و يقولولهم شررر شررر و باهتين فيا انا كيفاش نلعب معاهم رغم مسالمين و عاقلين و اللي يشوفوه يتبعوه يلعبو ما طامعين في شي كان لقمة ياكلوها و شربة ماء ،، موجودين في سهلول نلقاهم قدام عمارة الليبي رومبوان محطة سهلول

معلومات