زينه
Description
هذي "زينه" بيرجي حدائق المنزه، إسم خترتهولها أنا خاطر هو نسى إسمها ، هو راجل زوالي عمل الي يقدر عليه بعد ماسلم فيها مولاها و ماعاودش سإل عليها و لا تفقدها و لا شافها شنوه ناقصها بالرغم الي يعرف الي السيد زوالي موش قادر باش يوفرلها الماكلة الي كانت مستانسه تاكل فيها و ظاهره الكلبة كانت دلوله برشا و ماتاكلش الي يجي و يخرجوها في الكرهبة ادور مولاها تبارك الله صاحب منصب مرموق في البلاد، دون الدخول في التفاصيل.... لا تفقدها بدواء قراد لا في تلقيح لا تعقيم لا كوليي لا سلسله لا نيش ... لا حتى شي... أنا لقيتها بالزهر في الشتاء مربوطه في برويطه ببلاستيك أخضر كان تتذكروها الفيديو ، وقتها قتلو علاش رابطها هوني قاللي راهي تعدات عليها ليلة جرت الفيضانات دخل الماء للكاف و مشات مسيكنة تبلت خرجها من غدويكه تتشمس... من وقتها بدات حكايتي معاها و حبيت وقتها ناخوها من عندو و نشوفلها عيشه باهية ، شد صحيح قاللي كي ترا شنيه يصير مانسلمش فيها ... أما البارح بدل رايو و طلبني قاللي إيجا يا مدام شوفلها حل خاطر عرف و فهم الي ماعادش باش ينجم يتلها بيها ملي شافها كل يوم قاعده تذبل و تضعاف و هو موش قادر يعمللها شي 🥺 الحمدلله "زينه" خرجت مالظلام للنور و إن شاءالله يا ربي تعيش عيشه زينه تنسيها في الظلام الي عاشت فيه . غدوه نقوللكم شنوه عندها و شنوه لازمها إن شاءالله ماتكونش حاجة خايبة ربي يشفيها و يعافيها و كان فما إنسان ثقة و قادر يوفرلها ظروف ملائمة و العيشه الي تستحقها يبعثلي و بقدرة ربي دجيكم ملقحة و نظيفة و أمورها واضحة و شوية لهوه ترجع لباس
Location
Intéressé par l'adoption ?
This listing comes from a public Facebook group. Contact the person who posted it directly, via their original post:
Veuillez contacter le propriétaire directement pour discuter de l'adoption. TunisieVet n'est pas responsable des transactions entre particuliers.
