Chien à adopter
Description
عسلامة بالنسبة للكلب الي هبطتو في صفاقس، عندي نهارين قتلكم ضربو كميون ومعاش ينجم يمشي الحمد لله تجاوبو معايا برشااا وحبو يعاونو ، بالاخص مدام درة Dorra Ben Hmad الي تنقلتلو مع دكتور وسام قطاطة ربي يباركلهم 🙏🙏 الكلب توا في عيادة الدكتور وسام قطاطة ، قاعد يداوي فيه وطمنا عليه ، الكلب يستحق زادة تصاور سكنار في منطقة الحوض ... المهم توا الكلب في يد امينة والي يحب يطمن عليه ينجم يمشيلو 💃والي ينجم بربي يشوفلو من توا شكون يستبناه بعد ما يبرا 🥺 خاطر الي تعدا عليه مش شوية وهو مازال موجوع ومنحبوهش يرجع للشارع 🙏 شكرااا لكل واحد عاون والشكر الكبير بعد مدام درة للدكتور وسام الي قبل يتنقل على عين المكان خاطر بلحق مكانش ساهل انو نلقاو فيتو يخرج لكلب شارع ، كلمت تقريبا 7 او 8 قالو ماينجموش بخلاف واحد قالي نجم نخرجلو اما معنديش وين نبيتو . أنا توا باش نطير بالفرحة والله ، الحمد لله الي ربي خلانا نكونو سبب باش نرتحوه من عذابو ، صوتو وهو عيط من الوجيعة قطعلي قلبي وربي يبارك لبنت خالتي رورو الي كانت ديما توكل فيه حتى قبل ما يتضرب وبعد ماتكسر ديما تتفقدلو الماء و تعطيه ياكل هي وراجلها، والبارح بركا سمعو صغار يضربو فيه خرجو طردوهم من بحذاه. الحمد لله تونس مازال فيها الخير ومازالت ناس حنينة وتخاف ربي وتعاون البكمة 🙏🙏♥️ هذوما تصاور بعثتهملي مدام درة ♥️♥️ والي حسب كلامها طلعت كلبة مش كلب 🤣🤣 بس: الي يحب تصويرة من الفاتورة يجيني بريفاي 😊
Localisation
Intéressé par l'adoption ?
Cette annonce provient d'un groupe Facebook public. Contactez directement la personne qui l'a publiée, via sa publication d'origine :
Veuillez contacter le propriétaire directement pour discuter de l'adoption. TunisieVet n'est pas responsable des transactions entre particuliers.