Chat à adopter

كل ما نهبط على موضوع الدار اللي قاعدة تطيح و مهددة في كل لحظة بش تهبط كدس . و ما لقيتش شكون يكريني مع القطاطس تجيني نفس التعاليق نحب نجاوبكم الكل اللي قالولي احكي مع جمعية سوسة بش تهبطلك في الباج متاعها و تمركيو فيها في كل ستاتي راني بعثتلها ع الباج و ع الواتساب ما جاوبتنيش يعني هذا موضوه و نتجاوزوه عيشكم .. نفس الشي بالنسبة للأسماء اللي تمركيو فيهم و هوما لا علاقة بإستثناء آمال الشاهد و آية ب ج بارك الله فيهم عملو بارتاج. التعليق المتكرر الثاني تقولولي اكري و ما تقولش ع القطاطس و هزهم بالسرقة هكة ولات افلام هندية موش كرية متاع دار .. رانا عرب و ما يخفى حتى شي و هاذم فوق العشرين قطوس يعني من أول دقيقة يبانو و يخرج حسهم . و اللي يكريلك دارو أغلبهم يسكنو فوقك ولا بجنبك . و حتى كان بعد نرفض الخروج كيما قلتولي بش نقعد في مشاكل و بونطوات و بالقانون يخرجني بعد شهرين مهلة ... يعني بش نقعد في التمرميد و الستراس و التنقيل .. و انا نحب الوضوح نحب نبدا على الصدق من لول و يعرفو اللي عندي قطاطس خاطر مانيش ناقصة ستراس و تعب في حياتي بش نعيش على اعصابي و خايفة من التطريد كل لحظة .. نشالله تكون الصورة واضحة .. بالنسبة ليا بديت نأيس و نخمم وين بش نحط القطاطس توا خاطر الوقت يجري و ما لقيتش دار .. نهار كامل ندور في الحوم الشعبية يا يقلك ما نحبش قطاطس يا تلقاها خايبة و حيوطها قصار يعني ما فماش أمان للقطاطس يا تلقاها باهية و غالية و انا ظروفي على قدها . ما نحبش نفارق وليداتي لكن اللي كاتبو ربي يصير . نداء لناس سوسة كان فما دار للكراء أرحموني و أرحمو وليداتي 🤲🤲

“ Ce chat n'a qu'un seul souhait : trouver sa famille pour la vie.