Chien à adopter

🔴🔴 ❌❌ التجمع ❌❌ الكلب المسكين ده كان عايش في بيت… وكان فاكر إن البيت أمان، وإن الإنسان هو اللي هيحميه. 💔 لكن في يوم من الأيام، اتساب في الشارع… وفجأة لقى نفسه لوحده، لا عارف يلاقي أكل ولا مياه، ولا فاهم هو عمل إيه عشان يتعاقب بالعذاب ده كله. اترمى في الشارع وهو مش متعود على حياة الشوارع، واتهدّ حيله واتعب جدًا، ودلوقتي عنده إصابة في رجله وبيمشي عليها بصعوبة. 😔 تخيلوا كلب عاش في بيت، وفجأة بقى بينام على الأرض وسط الشارع، والعربيات حواليه، والجوع والخوف والبرد والمرض… هو أصلًا مش عارف يحمي نفسه ولا يعرف يعيش الحياة دي. الشارع مش مكان لكلب كان عايش في بيت.💔 هو محتاج شخص رحيم يمد له إيده، ياخده مكان آمن، ويبدأ يعالجه ويديه فرصة يعيش باقي عمره بكرامة بدل ما نهايته تكون تحت عجلة عربية أو من المرض والجوع. أنا بطلب منكم المساعدة… أي حد يقدر يستضيفهم أو يعرف شخص ممكن ينقذه، ياريت ما يتأخرش. ولو مش قادر تساعده بنفسك، اعمل شير للبوست. يمكن الشير بتاعك يوصل للشخص اللي هيكون سبب في نجاته. متسبوهوش يموت في الشارع وهو أصلًا ما اختارش الحياة دي. هو اتساب… لكن لسه ممكن حد يختار ينقذه.

“ Ce chien n'a qu'un seul souhait : trouver sa famille pour la vie.