Chien à adopter

منقول عن منية بن فرحات 💔 اليوم أنا اللي طلبت المساعدة… وما لقيتش حتى حد. طول الوقت، كي إنسان يلقى كلب ولا قطوس وما يلقاش وين يحطّو، يلقاني أنا قدّامو. يقولولي: «منية عاونا… منية، تصرّف… منية، شوفي حل» وعمري ما قلت لا، وعمري ما تردّدت نعاون على قدّ ما نقدر. ❤️🐾 أما اليوم، أنا استحقّيت شكون يعاوني في حاجة بسيطة برشة: زوز كلاب صغار، ملقّحين وعندهم الكارنيات متاعهم، نحب نهزّهم للجمعية. ما طلبتش فلوس، وما طلبتش حاجة كبيرة… طلبت كان إنسان عندو شوية وقت، يجي نهزّوهم ونوصلوهم للجمعية، لله وفي سبيل الله وعلى رحمة الوالدين. 🙏🐶🐶 للأسف، ما لقيتش حتى حد… لا شكون قالّي «نجي»، لا شكون قالّي «كيفاش نعاونك؟» 💔 ظروفي ما تسمحليش نخلّص ترانسبور بالفلوس، وإلا والله ما كنتش طلبت من حتى حد. يمكن الإنسان يعرف قيمة الناس اللي وقفوا معاه، خاصة وقت اللي هو يحتاجهم وما يلقى حد. أنا ما نلوم حتى حد، أما قلبي وجعني برشة. إذا فما إنسان ينجم يتطوّع ويهزّ الزوز كلاب للجمعية، ربي يجازيه كل خير، ويجعلها في ميزان حسناته. 🤲❤️ اليوم أنا نحتاجكم… بالله ما تخلّونيش وحدي. 🐾 @Monia Ben Farhat

“ This dog has only one wish: to find a family for life.